Трчај, мисли, победи! – натпреварувачки предизвик за сите деца

Ако сте добри во решавање загатки, снаодливи и брзи, сакате предизвици и многу забава, вие сте создадени за овој натпревар!

 

Учесниците се распоредуваат во тимови од по 5 души. Се натпреваруваат по 2 тима, а секој тим што ќе победи во дуелот продолжува понатаму.

Секој тим добива листа на задачи кои треба да ги изврши за одреден временски период, како и неопходни предмети за завршување на предизвиците. По завршувањето на задачите, комисија врши проверка на извршените задачи. Победува тимот со повеќе поени.

Натпреварот се снима и во делови се прикажува во рамки на емисијата Тинтири Минтири Шоу.

За пријавување потребно е да се пополни пријавата на овој линк или да се пријавите во инбокс на нашата Фејсбук страна Film school Tintiri Mintiri.

Доколку некој сака да учествува, а не е дел од  тим, може да се пријави поединечно и да биде вклучен во тим што ќе го формира организаторот.

Сите учесници треба да имаат пополнета и потпишана согласност од родители за учество и снимање.

За пријавување се плаќа партиципација од 500 ден. по учесник.

 Натпреварот се организира во периодот од 18 до 30 јуни.

Точниот термин на секој пријавен тим ќе му биде одреден откако ќе се разгледаат пријавите.